மாகாளி கிழங்கு ஊறுகாய்

மாகாளி கிழங்கு ஊறுகாய்

மாகாளிக்கிழங்குகளை இளசாக பார்த்து வாங்கவும்.
வீட்டிற்கு வந்ததும் கிழங்குகளை தண்ணீரில் போட்டுவைக்கவும். சுமார் 16 மணி நேரம் ஊற வேண்டும்.

கிழங்குகளை தோல் சீவிக்கொள்ளவும்.

கிழங்கின் நடுவில் உள்ள நரம்புப் பகுதியை வெட்டி எறிந்து விடவும்.

கிழங்கின் சத்துப் பகுதியை சிறு துண்டங்களாக நறுக்கிக் கொள்ளவும்.

துண்டங்களை நன்கு (மண் போக) அலம்பிக் கொள்ளவும்

ஒரு வாயகன்ற பாத்திரத்தில் துண்டங்களைப் போட்டு, மஞ்சள் தூள் (ஒரு டீஸ்பூன்), கடுகுப் பொடி (2 டேபிள்ஸ்பூன்), மிளகாய்த்தூள் (1/2 கப்), பொடி செய்த கல் உப்பு (3/4 கப்) சேர்க்கவும்.

நன்கு குலுக்கி, கலக்கிக் கொள்ளவும்.

8 எலுமிச்சம் பழங்களைப் பிழிந்து சாற்றை இதில் சேர்க்கவும்.

இத்துடன் 1 லிட்டர் தயிர் ஊற்றி நன்றாகக் கலக்கவும்.

7 நாட்கள் ஊறவேண்டும்; தினமும் கிளறி விடவும்.
சுத்தமான ஜாடிக்கு ஊறுகாயை மாற்றிக் கொள்ளவும்.

(மேற்குறிப்பிட்ட அளவுகள் ஒரு கிலோ கிழங்கிற்கு சரியாக இருக்கும்)

ராஜப்பா
18-11-2009
பகல் 1 மணி

KIZHANGU

KIZHANGU - CLEANED AND CUT

மாகாளிக் கிழங்கு

அது மாகாளியா, அல்லது மாகாணியா?

பெயர் என்னவாயிருந்தால் என்ன, அது மலைப்பிரதேசங்களில் விளையும் ஒரு மரத்தின் வேர். கூகிளில் தேடியபோது, இந்தக் கிழங்கின் மருத்துவக் குணங்கள் தெரிய வந்தன.

"The root of Sariva is used in the form of powder and infusion to treat wound, bronchial asthma, fever, intrinsic haemorrhage, kushtha, erysipelas, poisoning, paediatric rejuvinative/rasayana and during pregnancy."

மருந்தோ, இல்லையோ, மாகாளிக் கிழங்கு என்னும் போதிலே, ஊறுகாய் என்றுதான் எதிரொலிக்கிறது, சரிதானே? கிழங்கை வாங்கிவந்து, தண்ணீரில் சுமார் 10-12 மணி நேரம் போட்டுவைத்து, பின்னர் தோல் சீவி, குறுக்காக வெட்டி, "நரம்பு" என சொல்லப்படும் பகுதியை நீக்கிவிட்டு (இதுதான் மிகவும் கடினமான வேலை), கிழங்கை சிறு துண்டுகளாக நறுக்கி,

ஒரு பெரிய பாத்திரத்தில் தண்ணீர் ஊற்றி, அதில் கொஞ்சம் மோர் கலக்கவும். தோல் சீவிய பின்னர், கிழங்குகளை இந்த மோர் கலந்த தண்ணீரில் போடவும். (நிறம் மாறாமல் இருக்கும்)

கல் உப்பு, எலுமிச்சம்பழ சாறு, மிளகாய்ப் பொடி, கடுகுப்பொடி, தயிர் சேர்த்து கலந்து வைக்கவேண்டும். ஒரு வாரம் (7-8 தினங்கள்) ஊற வேண்டும்.

ஊறிய பின்னர் மாகாளிக்கிழங்கு ஊறுகாய் தயார்.

எனக்கு மிகவும் பிடித்த ஊறுகாய்.

Maagali Kizhangu

ராஜப்பா
11:30 --- 05 டிசம்பர் 2013

Makaali Kizhangu

பி.கு:: நேற்று (04-12-2013) மயிலாப்பூரில் மாகாளிக்கிழங்கின் விலை - 140.00 ரூ ஒரு கிலோ. இன்று நானும் நறுக்கினேன் - இன்னும் 8 நாட்கள் பொறுத்திருக்க வேண்டும் ஊறுகாய் சாப்பிட !!