Morekkali

சமீபத்தில் நீங்கள் மோர்க்களி சாப்பிட்டீர்களா? எப்போது?


பச்சை அரிசி மாவு எடுத்துக் கொள்ளவும். கொஞ்சம் மோரில் (புளிக்க கூடாது) இதை தோசை மாவு பதத்தில் கரைத்துக் கொள்ளவும். தேவையான உப்பு சேர்க்கவும்.

வாணலியில் 4 ஸ்பூன் எண்ணெய் விட்டு, காய்ந்ததும் கடுகு, பெருங்காயம், 4-5 மோர்மிள்காய் போட்டு தாளிக்கவும். இதில் மாவு கரைசலை விட்டு, லேசான தீயில் கிளறவும். கையில் ஒட்டாத பதம் வந்தபிறகு, அடுப்பை அணைத்து விட்டு, ரெண்டு நிமிஷம் மூடி வைக்கவும்.

அருமையான மோர்க்களி தயார். (மோருக்கு பதில் புளிக் கரைசலை சேர்த்தால், அது புளி மாவு என அழைக்கப்படும்)

5 நிமிஷத்தில் டிபன் தயார். மோர்க்களி வாழ்க!

Rajappa
26/10/2007
12:20PM

மோர் மிளகாய்

மோர் மிளகாய்


நீளமான பச்சை மிளகாய்களை தேர்ந்தெடுக்கவும்.

நன்கு அலம்பி, துடைத்துக் கொள்ளவும்.

நீளவாக்கில் கீறவும் (காம்புடன்).

புளித்த தயிரில் (மோரில்) ஊற வைக்கவும்.

உப்பு போடவும்.

1/2 மூடி எலுமிச்சம் பழத்தை பிழியவும்.

24 மணி நேரம் ஊற வைக்கவும்.

மிளகாய்களை எடுத்து, நல்ல வெயிலில் ஒரு நாள் முழுதும் காய வைக்கவும்.

அடுத்த நாள் முழுதும் தயிரில் (முன்பு உபயோகித்த தயிர்) 24 மணி நேரம் ஊற வைக்கவும்.

அதற்கும் அடுத்த நாள் மிளகாய்களை நல்ல வெயிலில் காய விடவும்.

தயிர் - வெயில் என மாற்றி மாற்றி ஊற / காய விடவும்.
தயிர் முழுதும் தீர்ந்ததும் (3-4 நாட்களில்), வெயிலில் மட்டும் இன்னும் 5-6 தினங்களுக்கு காய விடவும்.

மோர் மிளகாய் தயார்.

ராஜப்பா
11:00 காலை
25-02-2010